SAN NICOLAS – E inklaridat tokante relashon di PetroChina den un eventual tumamentu ofer di refineria Valero ta keda okupá atenshon na Aruba, despues ku PetroChina su senior manager Jiemin djaluna a bisa ku no a yega un akuerdo pa e chinesnan tuma ofer.

Sí a firma un Memorandum of Understanding (MOU) entre gobièrnu di Aruba i PetroChina. Parlamentario independiente Booshi Wever ta akusá gobièrnu di no hasi kontenido di e MOU aki públiko ainda.

Kamara di Komersio tambe a apelá na AVP di Mike Eman pa duna klaridat. Wever a pidi minister di Energia Mike Meza tambe pa duna klaridat tokante un partido brasileño ku lo a hasi un oferta pa Valero. Lo no ta trata di e kompania di zeta di estado brasileño Petrobas.