WILLEMSTAD – A posponé e resultado definitivo di senso pa di dos be. E biaha aki ta ferwagt e resultado di e investigashon nashonal di poblashon den di dos siman di yüni. Asina Ofisina Sentral di Statistik a laga sa.

Tempu ku a anunsiá e resultado preliminar na aprel 2011 CBS a ferwagt ku e resultado definitivo lo bini fin di aprel di e aña aki. No muchu mas despues a kambia esaki pa fin di mei, i awor lo bira medio di yüni. CBS ta bisa ku nan ta posponé e anunsio di resultado pasobra nan mester di mas tempu pa kalkulashon i análisis di e sifranan.

For di e resultado preliminar di e senso a sali ku tin un 131 mil hende ta biba na Kòrsou. Esaki ta kasi igual na e senso di 2001. 54 porshento di habitantenan na 2011 ta hende muhé. E kantidat di hòmber a baha kompará ku e muhénan.

Sifranan di CBS no solamente ta duna informashon di e total i e tipo di habitante di Kòrsou, sino e investigadónan a wak tambe entre otro entrada, sirkunstansha di biba, edukashon i edat.